Emmanuel Okwi ntari mu bakinnyi 32 bazahura n’u Rwanda

Emmanuel Anold Okwi kapiteni w’ikipe y’gihugu ya Uganda ntari mu bakinnyi 32 umutoza Milutin Micho yashyize ku rutonde rwo gukora imyiteguro ya nyuma y’umukino bazahuramo n’u Rwanda tariki ya 7 Ukwakira 2021 mu mikino y’amatsinda yo gushaka itike y’igikombe cy’isi cya 2022 kizabera muri Qatar.

Mu bakinnyi 33 Micho yabanje guhamagara bakina imbere mu gihugu yakoze igerageza asigarana abakinnyi 24 mbere y’uko ahita ahamagara n’abandi bakina hanze ya Uganda.

Emmanuel Okwi kuri ubu udafite ikipe ntari mu bakinnyi 32 kimwe na Juuko Murshid ukina mu mutima w’ubwugarizi ariko we akaba yarahawe ikarita itukura ubwo bakinaga na Mali i Kampala.

Uganda vs Lesotho

Emmanuel Okwi (7) ntazahura n’Amavubi Stars

Undi mukinnyi ukomeye utari muri uru rutonde ni Mzamiru Mutyaba uheruka gufasha Vipers SC gutwara igikombe cya CECAFA Kagame Cup 2021 yabereye muri Tanzania.

Uganda Cranes iritegura imikino ibiri ikurikiranye bazahuramo n’u Rwanda mu mikino y’itsinda rya gatanu (E) babanamo na Mali kimwe na Kenya.

Uganda iheruka kunganya na Mali 0-0, izasura u Rwanda tariki ya 7 Ukwakira 2021 kuri sitade ya Kigali mbere y’uko bakina umukino wo kwishyura tariki ya 10 Ukwakira 2021 kuri St Marry’s Kitende mu mujyi wa Kampala.

Uganda Cranes yatangiye imikino y’amatsinda inganya 0-0 na Kenya mbere y’uko n’ubundi banganya na Mali 0-0 kuri ubu bakaba bafite amanota abiri (2) mu gihe u Rwanda rufite inota rimwe rwakuye mu kunganya na Kenya igitego 1-1 kuri sitade ya Kigali kuko umukino ufungura amatsinda, u Rwanda rwatsinzwe na Mali igitego 1-0 i Agadir muri Morocco.

Muri rusange abakinnyi 32 basigaye ku rutonde rwa Uganda Cranes

Orlando Pirates' Milutin 'Micho' Sredojevic beaming after win over

Micho Milutin umutoza mukuru wa Uganda Cranes wanatoje u Rwanda

 

 

Leave a Reply

Your email address will not be published. Required fields are marked *

Related Posts