Express SC ibitse igikombe cya shampiyona ya Uganda 2020-2021 yafashe urugendo igana i Dar Es Slaam muri Tanzania ahazabera irushanwa rya CECAFA Kagame Cup 2021 kuva tariki 1-15 Kanama 2021.
Express SC yahagurutse i Kampala muri Uganda igana i Dar Es Slaam ahazabera imikino ya CECAFA Kagame Cup 2021, irushanwa n’ubundi riheruka gutwarwa na KCCA FC yo muri iki gihugu cya Uganda itsinze Azam FC yo muri Tanzania ku mukino wa nyuma wakiniwe kuri sitade ya Kigali.
Kuri uyu wa Kabiri tariki 27 Nyakanga 2021 nibwo habaye tombola y’imikino ya CECAFA Kagame Cup 2021, imikino ngaruka mwaka ihuza amakipe yo mu karere ka Afurika y’iburasirazuba no hagati kongeraho amakipe aba yatumiwe. Irushanwa ry’uyu mwaka rizakinwa kuva tariki 1-15 Kanama 2021, i Dar Es Slaam muri Tanzania.
Express SC yafashe iyigana muri Tanzania
Iri rushanwa ngaruka mwaka rifitwe na KCCA FC yo muri Uganda, riterwa inkunga na Perezida wa Repbulika y’u Rwanda, Paul Kagame kuva mu 2002. KCCA yatwaye iki gikombe mu 2019 itsinze Azam FC ku mukino wa nyuma wakiniwe kuri sitade ya Kigali.
Amakipe nka APR FC yo mu Rwanda na TP Mazembe yo muri Repubulika Ihanira Demokarasi ya Congo yari yaremeye ko azitabira, yaje kwikura ku rutonde mu gihe Simba SC itigeze yemera ko izitabira ari nayo mpamvu aya makipe atari muri iri rushanwa.
Express SC iri mu itsinda rya gatatu (C,) kumwe na Yanga SC yo muri Tanzania kimwe na Nyassa Big Bullets yo muri Malawi.
Abakinnyi Express SC yajyanye muri CECAFA Kagame Cup 2021:
Abanyezamu:
Joel Mutakubwa
Denis Otim
Chrispus Kusiima
Abugarira:
Enock Walusimbi (C)
Denis Mubuya
Arthur Kigundu
Issa Lumu Muzeeyi
Murushid Juuko
Abakina hagati:
Abel Michael Etrude (A.C)
Mahad Yaya Kakooza
John Byamukama
Daniel Shabene
Muzamiru Mutyaba
Charles Musiige
Ivan Mayanja
Abataha izamu:
Erick Kenzo Kambale
Martin Kizza
Godfrey Lwesibawa
Joseph Akandwanaho
Faisal Ssekyanzi
Express SC iri mu itsinda rimwe na Yanga SC yo muri Tanzania
