Sunday, September 24, 2023

Guturitsa urufaya rw’ibishashi hasozwa umwaka byahagaritswe kubera COVID yakamejeje

Facebook
Twitter
LinkedIn
WhatsApp

Nyuma y’amasaha macye ubuyobozi bw’Umujyi wa Kigali butangaje ahantu hazaturikirizwa urufaya rw’ibishashi hosazwa umwaka wa 2021 hanatangirwa uwa 2022, ubuyobozi bw’uyu Mujyi bwatangaje ko iki gikorwa gihagaritswe kubera icyorezo cya COVID-19 gikomeje gukaza umurego.

Itarangazo risubika iki gikorwa cyo guturitsa urufaya rw’Ibishashi ryasohotse ku mugoroba wo kuri uyu wa Kane tariki 30 Ukuboza 2021.

Izindi Nkuru

Iri tangazo ryashyizweho umukono n’Umuyobozi w’Umujyi wa Kigali, Pudence Rubingisa rigira riti “Mu rwego rwo gukaza ingamba zo gukomeza gukumira ikwirakwira ry’ubwandu bw’icyorezo cya Koronavirusi bumuka umunsi ku munsi, turabamenyesha ko gahura yari iteganyijwe yo guturitsa urufaya rw’urumuri mu kwizihiza isozwa ry’umwaka no gutangira undi.”

Ni itangazo ryasohotse nyuma y’amasaha macye hasohotse iryatangazaga ko ibi bishashi bizaturikirizwa ahantu hatanu nko kuri kuri Radisson Blu Hotel, kuri Stade Amahoro, kuri Mont Kigali, ku musozi wa Bumbogo no kuri Kigali Marriot Hotel.

Ubuyobozi bw’Umujyi wa Kigali, butangaza ko ibikorwa byo guturikiriza urufaya rw’urumuri aha hantu hose byasubitswe.

Kuri uyu wa Gatatu tariki 29 Ukuboza 2021 mu Rwanda hagaragaye abantu 2 083 bashya banduye COVID-19 barimo 1 133 bo mu Mujyi wa Kigali naho kuri uyu wa Kane tariki 30 Ukuboza 2021 bwo haboneka abantu 1 488 barimo 764 bo mu Mujyi wa Kigali.

Ubwo hasozwaga umwaka ushize wa 2020 hanatangirwa uyu wa 2021, na bwo ibikorwa byo guturitsa ibishashi ntibyakozwe mu rwego rwo gukomeza ingamba zo kwirinda ikwirakwira ry’icyorezo cya COVID-19 cyambukiranyije imyaka ibiri gihangayikishije Isi.

RADIOTV10

Leave a Reply

Your email address will not be published. Required fields are marked *

IzindiNkuru