Thursday, July 24, 2025
RADIOTV10
  • My Home
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
No Result
View All Result
RADIOTV10
No Result
View All Result
Home MU RWANDA

Hatanzwe umucyo ku cyatumye u Rwanda rwivana burundu mu Muryango ‘ECCAS’ rwari ruhuriyemo na Congo

radiotv10by radiotv10
10/06/2025
in MU RWANDA, POLITIKI
0
Hatanzwe umucyo ku cyatumye u Rwanda rwivana burundu mu Muryango ‘ECCAS’ rwari ruhuriyemo na Congo
Share on FacebookShare on Twitter

Guverinoma y’u Rwanda yashimangiye icyemezo iherutse gutangaza cyo kuva mu Muryango w’Ubukungu w’Ibihugu byo muri Afurika yo Hagati (ECCAS), itangaza ko gishingiye ku gutandukira ku nshingano zawo nko kuba waremeye kuba igikoresho cy’Ibihugu bimwe biwugize birimo DRC yiyemeje kuwukoresha irurwanya.

Ibi bikubiye mu itangazo ry’Ibyemezo by’Inama y’Abaminisitiri yateranye kuri uyu wa Mbere, tariki ya 9 Kamena 2025, iyobowe na Minisitiri w’Intebe, Dr. Edouard Ngirente, ndetse n’itangazo ryasohowe na Guverinoma y’u Rwanda mu ijoro rishyira kuri uyu wa Kabiri.

Ingingo ya mbere y’imyanzuro y’iyi nama ivuga ko “Inama y’Abaminisitiri yaganiriye ku cyemezo cy’u Rwanda cyo ku wa 7 Kamena 2025, cyo kuva mu Muryango w’Ubukungu wIbihugu byo muri Afurika yo Hagati (ECCAS).”

Inama y’Abaminisitiri kandi yagize iti “Ntabwo byumvikana kandi ntibikwiriye ko ibihugu bigize ECCAS, birimo Repubulika Iharanira Demokarasi ya Kongo (DRC), byiha uburenganzira bwo gukoresha nabi uwo Muryango mu nyungu zabyo bwite bigamije kurwanya igihugu biri kumwe muri uwo muryango.

Nk’Igihugu cyari giherutse kuyobora ECCAS (kuva muri Gashyantare 2023 kugeza muri Gashyantare 2024), Repubulika Iharanira Demokarasi ya Kongo (DRC) yishe ku mugaragaro amahame n’amategeko y’uyu Muryango, igamije kwanduza isura yu Rwanda ndetse no kurushotora. Ibi bikaba byaramenyeshejwe ku mugaragaro Ibihugu byose bigize ECCAS, ariko nta cyakozwe ngo bihagarare.

lyo mikorere mibi yangiza isura y’u Rwanda, yarakomeje no mu gihe cy’ubuyobozi bwasimbuye ubwa Repubulika Iharanira Demokarasi ya Kongo (DRC).”

U Rwanda ruvuga ko intambara yo mu Burasirazuba bwa Repubulika Iharanira Demokarasi ya Kongo (DRC), yari yaratangiye n’ubundi mbere y’uko DRC ifata ubuyobozi bwa ECCAS mu 2023.

Ruti “Bityo rero iyo ntambara ntiyari ikwiye gushingirwaho mu byemezo biherutse gufatwa. Ni ngombwa kwibutsa ko ari Igihugu cya Repubulika Iharanira Demokarasi ya Kongo ubwacyo cyatangije iyo ntambara ubwo cyagabaga ibitero ku baturage bacyo mu mpera z’umwaka wa 2021.”

U Rwanda kandi rwibukije ko ubutegetsi bwa Congo bwakomeje gushyigikira no gutera inkunga umutwe wa FDLR ugizwe n’abasize bakoze Jenoside mu Rwanda, mu bikorwa byinshi bigamije guhungabanya u Rwanda, ibyo byose bikorwa harimo no kwirengagiza kubahiriza imyanzuro 20 y’Akanama k’Umuryango w’Abibumbye gashinzwe Umutekano ku Isi.

Guverinoma kandi yongeye kwibusa ko u Rwanda rwagabweho ibitero bikomeye byambukiranya umupaka ndetse ruraswaho bikozwe n’igisirikare cya Congo (FARDC) gifatanyije n’uyu mutwe wa FDLR, hakiyongeraho no kuba Perezida Tshisekedi yarigambaga ku manywa y’ihangu ko afite umugambi wo guhirika Leta y’u Rwanda.

Iti “Ibyo byose binyuranyije n’ingingo ya 3 y’Amasezerano ya ECCAS yerekeye imibanire myiza y’Ibihugu by’abaturanyi. Uburenganzira bw’Ibihugu byose bigize ECCAS bugomba kubahirizwa uko bwakabaye mu buryo bungana, nta vangura.”

U Rwanda rwaboneyeho gusaba ko DRC ikwiye kwita ku bibazo bikomeye by’imbere mu Gihugu bimaze igihe, aho kwirirwa ishinja ibindi Bihugu mu nama mpuzamahanga, ishaka kwihunza inshingano zayo.

Gusa Guverinoma y’u Rwanda yatangaje ko igikomeje gushyigikira inzira z’ibiganiro, byumwihariko ingamba ziriho zirimo ibiganiro biriho bikorwa na Leta Zunze Ubumwe za America na Qatar.

RADIOTV10

Leave a Reply Cancel reply

Your email address will not be published. Required fields are marked *

12 − one =

Previous Post

Ubutumwa bw’umutoza Mashami washimangiye ko atazakomeza n’ikipe yatandukanye na benshi

Next Post

Impanuro zahawe Abapolisi b’u Rwanda bagiye gusimbura abandi b’itsinda ririnda abayobozi bakuru muri Centrafrique

Related Posts

Hatangajwe icyemezo cyafatiwe uwigeze kugeza kuri Perezida ikibazo cyavugwagamo BNR waregwaga inyandiko mpimbano

Hatangajwe icyemezo cyafatiwe uwigeze kugeza kuri Perezida ikibazo cyavugwagamo BNR waregwaga inyandiko mpimbano

by radiotv10
24/07/2025
0

Muhizi Anatole wigeze kugeza ikibazo kuri Perezida Paul Kagame cyagarukaga ku mutungo we wafatiriwe na Banki Nkuru y’u Rwanda, we...

Rusizi: Uvuga ko amaranye imyaka 16 isasu mu kuguru yasobanuye uko byamugendekeye

Rusizi: Uvuga ko amaranye imyaka 16 isasu mu kuguru yasobanuye uko byamugendekeye

by radiotv10
24/07/2025
0

Uwitije Elie wo mu Murenge wa Nzahaha mu Karere ka Rusizi, wasezerewe n'Ikigo cya Mutobo kinyuzwamo abahoze mu mitwe yitwaje...

Eng.-Dr. Ngirente thanks President Kagame after 8 years as Prime Minister

Eng.-Dr. Ngirente thanks President Kagame after 8 years as Prime Minister

by radiotv10
24/07/2025
0

Dr. Edouard Ngirente, who was replaced from the position of Prime Minister after serving for eight years, expressed his gratitude...

Why do weddings nowadays cost so much and seem like a competition?

Why do weddings nowadays cost so much and seem like a competition?

by radiotv10
24/07/2025
0

In many societies especially across Africa, including Rwanda, a wedding is not just a ceremony. It’s a cultural spectacle, a...

Ibiteye amatsiko ku Mukomando w’Umunyarwandakazi wihebeye imbunda ya ba mudahusha

Ibiteye amatsiko ku Mukomando w’Umunyarwandakazi wihebeye imbunda ya ba mudahusha

by radiotv10
24/07/2025
0

Umunyarwandakazi PC Uwimana Janviere wo muri Polisi y’u Rwanda, umwe mu Bapolisi bari gutorezwa mu Kigo gitanga amahugurwa yo kurwanya...

IZIHERUKA

Hatangajwe icyemezo cyafatiwe uwigeze kugeza kuri Perezida ikibazo cyavugwagamo BNR waregwaga inyandiko mpimbano
MU RWANDA

Hatangajwe icyemezo cyafatiwe uwigeze kugeza kuri Perezida ikibazo cyavugwagamo BNR waregwaga inyandiko mpimbano

by radiotv10
24/07/2025
0

Umupasiteri uri mu bakunzwe yashatse undi mugore hatarashira umwaka apfushije uwa mbere

Umupasiteri uri mu bakunzwe yashatse undi mugore hatarashira umwaka apfushije uwa mbere

24/07/2025
Rusizi: Uvuga ko amaranye imyaka 16 isasu mu kuguru yasobanuye uko byamugendekeye

Rusizi: Uvuga ko amaranye imyaka 16 isasu mu kuguru yasobanuye uko byamugendekeye

24/07/2025
Eng.-Dr. Ngirente thanks President Kagame after 8 years as Prime Minister

Eng.-Dr. Ngirente thanks President Kagame after 8 years as Prime Minister

24/07/2025
Haravugwa akayabo k’ashobora gutangwa kuri Kapiteni wa APR wifuzwa n’ikipe ifite izina rikomeye

Haravugwa akayabo k’ashobora gutangwa kuri Kapiteni wa APR wifuzwa n’ikipe ifite izina rikomeye

24/07/2025
Why do weddings nowadays cost so much and seem like a competition?

Why do weddings nowadays cost so much and seem like a competition?

24/07/2025
ADVERTISEMENT
Next Post
Impanuro zahawe Abapolisi b’u Rwanda bagiye gusimbura abandi b’itsinda ririnda abayobozi bakuru muri Centrafrique

Impanuro zahawe Abapolisi b’u Rwanda bagiye gusimbura abandi b’itsinda ririnda abayobozi bakuru muri Centrafrique

Contact Us

E-mail:
radiotv10rwanda@gmail.com
infos@radiotv10.rw

Radio10 Sales & Marketing:
Phone: +250784444444

Radio10 Studio:
Phone: +250788317918

Useful Links

  • My Home
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10

Latest News

Hatangajwe icyemezo cyafatiwe uwigeze kugeza kuri Perezida ikibazo cyavugwagamo BNR waregwaga inyandiko mpimbano

Umupasiteri uri mu bakunzwe yashatse undi mugore hatarashira umwaka apfushije uwa mbere

Rusizi: Uvuga ko amaranye imyaka 16 isasu mu kuguru yasobanuye uko byamugendekeye

Download App

Copyright © 2024 RadioTv10.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • My Home
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10

Copyright © 2024 RadioTv10.