Ibyishimo byatashye mu ikipe ikomeye i Burayi uwari Umuyobozi wayo we biba agahinda

Oliver Khan wari Umuyobozi Mukuru (CEO) w’ikipe ya Bayern Munich yo mu Budage, yirukanywe kuri uyu mwanya, nyuma yuko iyi kipe itwaye igikombe cya Shampiyona y’uyu mwaka.

Oliver Khan, Umudage w’imyaka 53 yanabaye umunyezamu wa Bayern Munich kuva mu 1994 kugeza muri 2008.

Izindi Nkuru

Volleyball: Muri Shampiyona Nyafurika ikipe y’u Rwanda yabaye iya 18, iya Congo iba iya 20

24/04/2024

Perezida Kagame yagaragaje amarangamutima y’ibyishimo by’ikipe akunda yanyagiye indi ikomeye

24/04/2024

Yabaye Umuyobozi Mukuru w’iyi kipe yakiniye muri 2021, nyuma yo kwegura kwa Karl-Heinz Rummenigge.

Oliver Khan yirukanywe ku mwanya w’Umuyobozi Mukuru, kuri uyu wa Gatandatu nyuma yuko iyi kipe ya Bayern Munich itwaye igikombe cya Shampiyona y’u Budage, German Bundesliga 2022-2023.

Yahise asimburwa na mugenzi we Umudage Jan-Christian Dreesen w’imyaka 56, ugiye guhita amukorera mu ngata mu kuyobora iyi kipe yegukanye igikombe.

Oliver Khan wiruaknywe ntiyanitabiriye umukino usoza Shampiyona aho Bayern Munich yasuyemo FC Cologne, ikanahatwarira igikombe.

Si Oliver Khan wenyine wirukanywe, kuko na Hassan Salihamidzic, wari ushinzwe ibijyanye na Sports (Sporting Director) muri Bayern Munich na we yeretswe umuryango usohoka.

Cedrick KEZA
RADIOTV10