Edgar Lungu wabaye Perezia wa Zambia, yitabye Imana ku myaka 68 y’amavuko, azize uburwayi aho yivurizaga muri Afurika y’Epfo.
Amakuru y’urupfu rwa Edgar Lungu wayoboye Zambia hagati ya 2015 na 2021, yemejwe n’Ishyaka rye rya Patriotic kuri uyu wa Kane tariki 05 Kamena 2025.
Itangazo ryashyizwe hanze n’iri Shyaka rinyuze kuri Facebook, rigira riti “Uwabaye Perezida, wari uri guhabwa ubuvuzi bwihariye muri Afurika y’Epfo, yapfuye kuri uyu munsi ku wa Kane tariki 05 Kamena.”
Ubuyobozi bw’ishyaka ry’uyu munyapolitiki watabarutse, ryavuze ko umukobwa we Tasila n’Umunyamategeko w’umuryango, bemeje ko Lungu yitabye Imana.
Mu butumwa bw’amashusho bwagiye hanze, umukobwa wa Lungu, Tasila yagize ati “Muri ibi bihe by’akababaro twiyambaje imbaraga za ‘Zambia imwe, nk’Igihugu kimwe’ ngo tuzirikane umuhate wa Perezida Lungu mu gukorera Igihigu cyacu.”
“In this moment of grief, we invoke the spirit of ‘One Zambia, One Nation’ – the timeless creed that guided President Lungu’s service to our country,” she added.
RADIOTV10
