Perezida wa Repubulika, Paul Kagame yakiriye bamwe mu bayobozi ku nzego nkuru z’u Burundi bazanye ubutumwa yohererejwe na mugenzi we Evariste Ndayishimiye, bishimangira intambwe nziza ikomeje kugaragara mu mubano hagati y’Ibihugu byombi.
Perezida Paul Kagame yakiriye iri tsinda ku gicamunsi cyo kuri uyu wa Mbere tariki 10 Mutarama 2022 mu biro bye muri Village Urugwiro.
Ni itsinda riyobowe na Minisitiri Ushinwe Umuryango wa Africa y’Iburasirazuba, umuco na Siporo rikaba kandi ririmo uhagarariye u Burundi mu Rwanda, Ambasaderi Ezéchiel Nibigira.
