Perezida wa Kenya, William Ruto, yagiye gusangira n’abagize Inteko Ishinga Amategeko ifunguro rya saa sita abatunguye muri resitora yabo, aboneraho no kubaganiriza.
William Ruto yakoze iki gikorwa kuri uyu wa Gatatu tariki 05 Ukwakira 2022, ubwo abagize Inteko Ishinga Amategegeko bari bagiye gufata ifunguro, babona arahageze.
Bahise bafata ifunguro rya saa sita, baboneraho no kugirana ikiganiro mbere yuko abagize iyi Nteko bakora Inteko rusange yari iteganyijwe ku mugoroba.
Ubutumwa bwanyujijwe kuri paji ya Facebook y’Inteko Ishinga Amategeko ya Kenya, bugira buti “Nyakubahwa Perezida Dr William Ruto yafashe urugendo yerecyeza ku Ngoro y’Inteko Ishinga Amategeko, gusangira ifunguro ry’amanywa n’abagize Inteko muri resitora yabo mbere y’Inteko Rusange.”
Bukomeza bugira buti “Muri urwi ruzinduko rwe rutunguranye Perezida yaganiriye n’abagize Inteko Ishinga Amategeko n’abandi bakozi bayo.”
RADIOTV10
