Bamwe mu bafite izina rizwi mu Rwanda barimo abahanzi, Abanyamakuru, abakinnyi ba Film, bateye imitoma abo bihebeye babifuriza umunsi mwiza w’abakundana, Umuyobozi w’Akarere ka Bugesera na we akora mu nganzo yibutsa umugore we ko ari uw’agaciro.
Kuri uyu wa 14 Gashyantare, ku munsi wahariwe abakundana uzwi nka Saint Valentin, ku mbuga nkoranyambaga za bamwe byari ibicika, bagaragaza urwo bakunda abakunzi cyangwa abagore/abagabo babo.
Bamwe mu basanzwe bazwi mu Rwanda, na bo ntibasigaye maze si ukuvuga urwo bakunda abakunzi babo, bivayo.
Umuhanzi Meddy usanzwe uba muri Leta Zunze Ubumwe za America, yibukije umugore we Mimi Mehfira.
Mu butumwa yanyujije kuri status ye ya Instagram, Meddy yagize ati “Umunsi mwiza wa Mutagaftifu Valentin. Ndagukunda cyane.”
Umugore wa Meddy na we yashyize ifoto kuri Instagram ari kumusoma ku itama, na we yifuriza umugabo we umunsi mwiza w’abakundana.
Miss Uwase Muyango Claudine na we yifurije umunsi mwiza w’abakundana umugabo we Kimenyi Yves ndetse n’umwana w’umuhungu baherutse kwibaruka, ababwira ko abakunda byahebuje.
Umuhanzi w’Indrimbo zo kuramya no guhimbaza Imana, Patient Bizimana na we yifurije umunsi mwiza umugore we Karamira Uwera Gentille baherutse kurushinga.
Patien Bizimana wifashishije umurongo wo muri Bibiliya, [Abakorinto 13:4] agira ati “Urukundo rurihangana rukagira neza, urukundo ntirugira ishyari, urukundo ntirwirarira, ntirwihimbaza.”
Umuyobozi w’Akarere ka Bugesera, Richard Mutabazi na we yagaragaje ko n’abo mu nzego z’ubuyobozi bazi gutera imitoma abo bashakanye.
Mu butumwa yanyijije kuri Twitter ye, Richard Mutabazi yifurije umunsi mwiza w’abakundana umugore we avuga ko yakomeje kumubera umurinzi w’umutima we ndetse agakomeza kumuha urukundo ruhebuje.
Happy Valentine's day my tattoe🤩; stay engraved in my heart❤.
Another occasion to reflect on the privilege of being surrounded by your abundant love, and to once more again declare my love to you.
Love is our precious possession, let's keep it jealously. pic.twitter.com/KLiKFFT8Pz— Richard Mutabazi (@MutabaziRich) February 14, 2022
RADIOTV10
