Monday, June 16, 2025
RADIOTV10
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
  • My Home
No Result
View All Result
RADIOTV10
No Result
View All Result
Home AMAHANGA

Twibukiranye ibitazibagirana ku ntambara imaze umwaka yabaye akandi kaga kagwiririye Isi

radiotv10by radiotv10
08/10/2024
in AMAHANGA, POLITIKI, UMUTEKANO
0
Twibukiranye ibitazibagirana ku ntambara imaze umwaka yabaye akandi kaga kagwiririye Isi
Share on FacebookShare on Twitter

Umwaka uruzuye hadutse akaga k’intambara yabaye urusobe rw’ibibazo bimaze guhitana abarenga ibihumbi 40, Israel na Hamas bitangiye intambara yagiye ihindura isura uko ibihe byagiye biha ibindi. Iyi ntambara yadutse ubwo Hamas yasaga nk’ikoze mu jisho Israel ikayigabaho igitero gitunguranye, kuva ubwo icumu ntirunamurwa. Twibukiranye bimwe mu byaranze iyi ntambara. 

Indirimbo y’agahinda n’ihumure ku babuze ababo n’ibyabo tariki indwi 2023, ni yo yaririmwe. Kuri iyi tariki Hamas yinjiye muri Israel n’amasasu abisikana n’ijambo Allahu Akbar ihitana abaturage 1 200 inashimuta abandi 251.

Kuri uyu munsi Guverinoma ya Netanyahu yarateranye; ibendera rirururutswa; bazirikana abahasize ubuzima n’abakiri mu biganza bya Hamas ibazengurukana mu myobo yo muri Gaza.

Perezida wa Israel, Isaac Herzog yavuze ko uyu munsi utagomba kwibagirana mu mateka y’Isi, ndetse asaba amahanga gufasha iki Gihugu kugera ku ntego zacyo.

Yagize ati “Italiki 7 Ukwakira 2023; ni umunsi utazibagirana kuri njye, iki ni igikomere ku kiremwamuntu. Isi yose igomba kumenya ko kugira ngo igere ku mahoro arambye ari uko yafasha Israel guhangana n’abanzi bayo.”

Hagati ya tariki nk’iyi y’umwaka wa 2023 kugeza uyu munsi; hasimburanye ibihe bikomeye kuri Israel, byanatumye kugeza magingo aya iki Gihugu kirutwa n’u Rwanda mu bunini, ubu gihanganye n’impande esheshatu.

Iyi ntambara yafashe indi sura ttaliki 08 Ukwakira 2023 ubwo Israel yagabaga igitero muri Gaza cyo kwihimura kuri Hamas no kugarura ku ngufu abaturage batwaye bugwate.

Iki ni igikorwa Leta Zunze Ubumwe za Amerika zari zishyigikiye mu buryo bweruye.

Mu ijoro ryabanjirije icyo gitero; Perezida Joe Biden akikijwe na Visi Perezida Kamala Harris na Minisitiri w’Ububanyi n’Amahanga Anthony Blinken, yavuze ko Igihugu cye cyifatanyije na Israel.

Icyo gihe yagize ati “Abana bato bishwe bari kwishimira amahoro. Muri uyu mwanya ndashimangira ko twifatanyije na Israel. Tugomba gukora ibishoboka byose kugira ngo Israel irinde abaturage bayo. Nta mpamvu n’imwe ishobora kuba intandaro y’iterabwoba. Hamas ntabwo ikora mu nyungu z’abaturage ba Palestine, ahubwo igamije gusiba Leta ya Israel no kurimbura Abayahudi bose.”

Kuri uwo munsi inyeshyamba zo muri Liban zitwa Hezballah na zo zahise zigaba ibitero mu majyaruguru ya Israel, bihita bituma Israel irwanira mu majyaruguru no mu burengerazuba.

Ku itariki 04 Mata 2024 Israel yagabye ibitero muri Syria. Kuri 13 Mata 2024; Iran yarashe muri Israel ibisasu 300, bimwe byavuye muri Yemen na Syria, urugamba ruba ruragutse.

Ku wa 31 Nyakanga 2024, Israel yishe Ismail Haniyeh wayoboraga Hamas mu rwego rwa politike, imwiciwe muri Iran.

Uko ibyo bihe byakomezaga gusimburana; Irana na yo yakomeje kuvuga ko izihorera.

Minisitiri w’intebe wa Irael Benjamin Netanyahu ubwo yari mu Nteko Rusange y’Umuryango w’Abibumbye; yatanze ubwo butumwa.

Yagize ati “Mfite ubutumwa bugenewe abanyagitugu b’i Tehran; nimuturasaho; natwe tuzabarasa, Nta hantu na hamwe muri Iran ukoboko twa Irsael kutabasha kugera, ibyo ni uko bimeze muri aka karere kose. Ntitukiri intama zishorerwa zijyanwa mu ibagiro. Mfite n’ubundi butumwa ku bantu bateraniye aha n’abari hanze bose; turi gutsinda.”

Intero ya Iran ni na yo yo muri Lebanon. Umuyobozi wa Hezballah, Hassan Nasrallah ku italiki 19 Nzeri 2024 yishimiye aho bari bageze bihagararaho.

Yari yagize ati “Ndabwira Netanyahu na Gallant; bagamije kuduhungabanya; ndetse na Guverinoma n’igisirikare, intambara yo muri Gaza nidahagarara; Intambara ku gace kegereye Liban na yo ntizahagarara. Tumaze amezi 11 tubisubiramo, ariko muri ayo mezi 11 ashize; nta na kimwe barageraho mu byo biyemeje.”

Icyakora iryo ni ryo jambo rya nyuma Nasrallah yavuze; kuko ku itariki 27 Nzeri 2024 Minisitiri w’Intenbe Netanyahu yatanze itegeko ryo kumuhitana.

Nyuma y’iminsi ine, Iran yarashe ibisasu 200 bikaze kuri Israel. Icyakora Israel yitonze gusubiza.

Muri iyi ntambara imaze umwaka; amahanga yacitsemo ibice, ndetse bigera ubwo Urukiko Mpuzamahanga Mpanabyaha rushyiriraho Netanyahu impapuro zo kumuta muri yombi, icyakora kugeza n’ubu avuga ko zitazigera zimuca intege.

Aho yagize ati “Abakora ibyaha by’intambara ntabwo baba muri Israel, bibera muri Iran, Gaza, Syria, Liban na Yemen. Abashyigikiye abo banyabyaha, abashyigikiye sekibi, umwaku aho gushyigikira umugisha; ababikora mwese bigomba kubatera ipfunwe.”

Mu gushaka iherezo ry’iyi ntamabara; amahanga akomeje gushyira igitutu kuri Israel ngo ishyire intwaro hasi yemere inzira y’ibiganiro. Uri imbere muri iryo tsinda; ni Perezida w’u Bufaransa, Emmanuel Macron Ndetse aherutse gusaba ko Abanyaburayi bahagarika intwaro zoherezwa muri Israel.

Uyu nawe Netanyahu yamuhaye ubutumwa agira ati “Mfite ubutumwa bugenewe Perezida Macron; ubu duganyanye n’imitwe irindwi, ariko Perezida Macron n’abandi barasaba ko Israel yafatirwa ibihano ku ntwaro. Iran yo yabifatiye Hezbollah, Houthis na Hamas? Ihuriro ry’abagizi ba nabi rirashyigikiranye. Reka mbabwire ikintu kimwe; Israel izatsinda ifite ubufasha bwanyu cyangwa itabufite, ariko buzakorwa n’ikimwaro umunsi tuzaba twatsinze.”

Nyuma y’uyu mwaka Israel iri mu ntambara n’imitwe ishyigikiwe na Iran; i Tel Aviv bashimangira ko intego ari guhashya Hezaballah na Hamas, ndetse bakiga neza no ku myitwarire ya Iran.

David NZABONIMPA
RADIOTV10

Leave a Reply Cancel reply

Your email address will not be published. Required fields are marked *

19 − four =

Previous Post

Rubavu: Harumvikana kutavuga rumwe ku nkoni bivugwa ko zivuza ubuhuha mu banyonzi

Next Post

BREAKING: Ibiciro bishya bya Lisansi na Mazutu byagiye hanze bizamo impinduka nziza

Related Posts

Trump yabaye nk’ukina ku mubyimba Iran ku bitero rurangiza byayishegeshe bikanahitana abasirikare bakuru bayo

Trump yabaye nk’ukina ku mubyimba Iran ku bitero rurangiza byayishegeshe bikanahitana abasirikare bakuru bayo

by radiotv10
14/06/2025
0

Perezida wa Leta Zunze Ubumwe za America, Donald Trump; yavuze ko igitero Israel yagabye kuri Iran cyahitanye abasirikare bakomeye barimo...

Perezida wa Afurika y’Epfo yakirijwe amarira ubwo yasuraga abaturahe bagize ibyago

Perezida wa Afurika y’Epfo yakirijwe amarira ubwo yasuraga abaturahe bagize ibyago

by radiotv10
14/06/2025
0

Perezida wa Afurika y’Epfo, Cyril Ramaphosa, yasuye umujyi wa Mthatha mu Ntara ya Eastern Cape iheruka kwibasirwa n'ibiza by’imvura nyinshi...

Umuntu umwe rukumbi warokotse impanuka havuzwe ibyo yabwiye ababyeyi be akirokoka

Umuntu umwe rukumbi warokotse impanuka havuzwe ibyo yabwiye ababyeyi be akirokoka

by radiotv10
13/06/2025
0

Umuvandimwe w’umuntu umwe warokotse impanuka y’indege yahitanye abagenzi 241 mu Buhindi, yavuze ko akimara kurokoka yahamagaye umubyeyi we akamubwira ko...

Igisirikare cya Israel kikomanze mu gatuza ko kivuganye Abajenerali batatu bakomeye b’ikindi Gihugu

Igisirikare cya Israel kikomanze mu gatuza ko kivuganye Abajenerali batatu bakomeye b’ikindi Gihugu

by radiotv10
13/06/2025
0

Igisirikare cya Israel cyemeje ko cyivuganye Umugaba Mukuru w’Ingabo za Iran ndetse n'abandi basirikare babiri bari mu buyobozi Bukuru bw’Ingabo...

BREAKING: Indege yarimo abagenzi 240 yakoze impanuka irasandara

BREAKING: Indege yarimo abagenzi 240 yakoze impanuka irasandara

by radiotv10
12/06/2025
0

Indenge ya Sosiyete y’u Buhindi (Air India) yari yerecyeje i London mu Bwongereza irimo abagenzi 242, yakoze impanuka nyuma y’igihe...

IZIHERUKA

Ubutumwa buryohereye umunyamakurukazi uzwi mu Rwanda yageneye umuhanzi wamwambitse impeta
IBYAMAMARE

Ubutumwa buryohereye umunyamakurukazi uzwi mu Rwanda yageneye umuhanzi wamwambitse impeta

by radiotv10
16/06/2025
0

AMAKURU AGEZWEHO: Uwakekwagaho kwica urw’agashinyaguro uwarokotse Jenoside na we yarashwe arapfa

Umunyamakuru ibyangombwa bye byasanganywe umujura warashwe yavuze ibyamubaye

16/06/2025
Ubuhamya bw’uwarokotse Jenoside kubera gusengera umwana w’interahamwe

Ubuhamya bw’uwarokotse Jenoside kubera gusengera umwana w’interahamwe

16/06/2025
RIB yafunze Animateri wiyemerera ko yakubise inshyi mu matwi umunyeshuri bikamuviramo kuvamo amaraso

Umugabo arakekwaho kwica umugore bari bamaranye igihe gito amuziza ukuri yari amubwije

14/06/2025
Korali yatumiye mu gitaramo cyayo iyo muri rindi Torero rikayangira yatanze ubutumwa

Korali yatumiye mu gitaramo cyayo iyo muri rindi Torero rikayangira yatanze ubutumwa

14/06/2025
Trump yabaye nk’ukina ku mubyimba Iran ku bitero rurangiza byayishegeshe bikanahitana abasirikare bakuru bayo

Trump yabaye nk’ukina ku mubyimba Iran ku bitero rurangiza byayishegeshe bikanahitana abasirikare bakuru bayo

14/06/2025
ADVERTISEMENT
Next Post
BREAKING: Ibiciro bishya bya Lisansi na Mazutu mu Rwanda byagiye hanze

BREAKING: Ibiciro bishya bya Lisansi na Mazutu byagiye hanze bizamo impinduka nziza

Contact Us

E-mail:
radiotv10rwanda@gmail.com
infos@radiotv10.rw

Radio10 Sales & Marketing:
Phone: +250784444444

Radio10 Studio:
Phone: +250788317918

Useful Links

  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
  • My Home

Latest News

Ubutumwa buryohereye umunyamakurukazi uzwi mu Rwanda yageneye umuhanzi wamwambitse impeta

Umunyamakuru ibyangombwa bye byasanganywe umujura warashwe yavuze ibyamubaye

Ubuhamya bw’uwarokotse Jenoside kubera gusengera umwana w’interahamwe

Download App

Copyright © 2024 RadioTv10.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • MU RWANDA
  • AMAHANGA
  • SIPORO
  • IMYIDAGADURO
  • LIVE RADIO10
  • LIVE TV10
  • My Home

Copyright © 2024 RadioTv10.