Umunyamakuru Nduwayezu Ndibyariye Jean de Dieu wamamaye nka Jado Max yasubiye kuri Radio ya Kiss FM yari amaze amezi akabakaba 10 avuyeho.
Jado Max wamamaye ku bitangazamakuru binyuranye birimo na RADIOTV10, byumwihariko yamenyekanye mu biganiro bya siporo no kogeza imipira.
Mu mpera za Nyakanga umwaka ushize wa 2025, ni bwo uyu munyamakuru yari yavuye kuri Kiss FM yagiyeho avuye kuri RADIOTV1, yerecyeza kuri Urban Radio mu kiganiro ca siporo cyitwa Urban Sports yakoranaga na William Kadu.
Kuri uyu wa Kabiri tarik 14 Mata 2026, Jado Max yongeye kumvikana kuri Kiss FM, aho azajya akorana ikiganiro Kiss Drive n’umunyamakuru Sonia Lolla.
Ubuyobozi bw’iyi radio, mu butumwa buha ikaze uyu munyamakuru, bwagize buti “Umuryango mugari wa Kiss FM wishimiye kongera kwakira umunyamakuru Jado Max! Jado Max agarutse mu kiganiro the Kiss Drive gitangira saa Kumi kikarangira saa Mbili z’ijoro aho azaba akorana na Sonia Lolla.”
Jado Max kandi aherutse gutangira kugaragara kuri Televiziyo Isibo, mu kiganiro cya siporo akorana na Mugenzi Faustin uzwi nka Faustinho.
RADIOTV10
