Ishami ry’umuryango w’abibumbye rishinzwe umuco ubumenyi n’uburezi (UNESCO) rirasaba ibihugu ku isi kwita ku buzima bw’abana bari mu mashuri muri ibi bihe bya COVID-19.
Uyu muryango ubishingira ku kuba ubushakashatsi bwaragaragaje ko magingo aya ku isi abanyeshuri biga mu mashuri abanza n’ayisumbuye bagera kuri miliyoni 365 bajya ku ishuri nta funguro bafashe bikabongerera ibyago by’uburwayi bw’umunaniro uhoraho, agahinda ndetse n’uburwayi bwo mu mutwe.
