Umunyamideri w’Umunyarwandazi Isimbi Hatzir, ubu ni umwe muri bacye batunze imodoka yo mu bwoko bwa Range Rover Evoque ifite agaciro k’akabakaba miliyoni 50 Frw, nyuma yo kuyihabwa nk’impano n’umugabo we.
Ni impano y’umunsi w’amavuko yahawe n’umugabo we Shaul Hatzir bagiye kuzuza umwaka basezeranye kubana nk’umugore n’umugabo dore ko barushinze mu ntangiro z’uyu mwaka turi gusoza.
Isimbi Vestine wamaze gufata izina ry’umugabo we Hatzir, mu butumwa yanyujije ku rubuga nkoranyambaga rwa Instagram buzwi nka Stories, yagaragaje akanyamuneza yatewe n’impano y’imodoka yahawe n’umugabo we ku munsi yizihirizaho isabukuru y’amavuko ye.
Yamushimiye byimazeyo ko adahwema kumugaragariza ko yamwimariyemo kandi agahora ashaka icyamunezeza, ati “Imana ihe umugisha umufasha wanjye uhora ashaka icyanezeza.”
RADIOTV10
