Ikipe ya Tusker FC ibitse igikombe cya shampiyona ya Kenya 2020-2021 yikuye mu makipe azakina CECAFA Kagame Cup 2021 bituma amatsinda ava kuri atatu aba abiri mu gihe irushanwa rigomba gutangira kuri iki Cyumweru tariki 1-15 Kanama 2021 i Dar Es Slaam.
Mbere y’uko Tusker FC iva mu irushanwa yari mu itsinda rya kabiri (B) kumwe na Azam FC ndetse na Atlabara FC. Nyuma yo kuvamo amatsinda yahise ava kuri atatu aba abiri buri tsinda ririmo amakipe ane (Group of Four).
Tusker FC yavuye muri CECAFA Kagame Cup 2021 hahita hasigaramo amakipe umunani (8) bahita bayashyira mu matsinda abiri. KCCA FC (Uganda) na Azam FC (Tanzania) ziheruka guhurira ku mukino wa nyuma, ziri mu itsinda rimwe (B).
Amatsinda abiri (A,B) asigaye agizwe na; KCCA FC (Uganda), Le Messger de Ngozi (Burundi), KMKM FC (Zanzibar), Azam FC (Tanzania), Atlabara FC (South Sudan), Yanga SC (Tanzania), Nyasa Big Bullets (Malawi) na Express SC (Uganda).
Muri ubwo buryo rero, itsinda rya mbere (A) ririmo; Yanga SC (Tanzania), Nyasa Big Bullets (Malawi), Express SC (Uganda), Atlabara FC (South Sudan) mu gihe itsinda rya kabiri (B) ririmo; KCCA FC (Uganda) ibitse igikombe, Azam FC (Tanzania), Le Messger de Ngozi (Burundi) na KMKM FC (Zanzibar).
Tusker FC ikinamo umunyarwanda Emery Mvuyekure (umunyezamu) ntabwo igikinnye irushanwa rya CECAFA Kagame Cup 2021
Kuri iki Cyumweru tariki ya 1 Kanama 2021 ubwo hazaba hatangira irushanwa, ikipe ya Express SC (Uganda) izatangira icakirana na Atlabara (South Sudan) ku kibuga cya Benjamin Mkapa i Dar Es Slaam guhera saa saba zo muri iki gihugu mu gihe undi mukino uzahuza Yanga SC Â izacakirana na Nyasa Big Bullets (Malawi) saa kumi zo muri Tanzania bizaba ari saa cyenda mu Rwanda.
Kuwa mbere tariki ya 2 Kanama 2021, imikino izakomeza ubwo ikipe ya KCCA FC (Uganda) ibitse igikombe izaba ihatana na Azam FC (16h00’) mu mukino uzabanzirizwa n’uwuzaba wahuje Le Messager Ngozi FC (Burundi) na KMKM FC (Zanzibar).
Gahunda rusange ya CECAFA Kagame Cup 2021
