Turi kuwa Mbere w’itariki ya 04 Ukwakira 2021, ni umunsi wa 277 mu minsi igize umwaka harabura iminsi 88 ngo uyu mwaka urangire, Turi kuwa mbere wa 40 kuva 2021 yatangira tugeze mu cyumweru cya 41 mu byumweru bigize umwaka wa 2021.
Ni bande bavutse ku munsi nk’uyu?
1.Tomáš Rosický(1980)
Yujuje imyaka 41 y’amavuko, umunya-Républika ya Czech wahoze akina asatira muri Arsenal n’ikipe y’igihugu ya Czech yabereye captain imyaka 10.
Tomáš Rosický yakiniye amakipe nka Sparta Prague, Borussia Dortmund n’ikipe y’igihugu ya República ya Czech yakiniye imikino 105 akayitsindira ibitego 23.
2.Mauro Camoranesi (1976)
Yujuje imyaka 45, Umutaliyani wahoze akina hagati mu kibuga asatira muri Juventus n’ikipe y’igihugu y’u Butaliyani
Mauro Germán Camoranesi Yanyuze mu makipe nka Aldosivi, Santos Laguna, Wanderers, B Anfield, Cruz Azul, Verona, Juventus, VfB Stuttgart Lanús, Racing Club n’ikipe y’igihugu y’u Butaliyani yakiniye imikino 55 akayitsindira ibitego 5 yari kumwe nayo batwara igikombe cy’isi cya 2006.
3.Ryan Shawcross (1987)
Yujuje imyaka 34, umwongereza ukina nka myugariro muri Inter Miami yanakiniye kd ikipe y’igihugu y’u Bwongereza
Ryan James Shawcross yazamukiye mu ishuli ry’umupira w’amaguru rya Manchester United ayivamo ajya muri Royal antwelp yo mu Bubiligi, atizwa muri Stoke City birangira inamuguze ayikinira imyaka 14 ayivamo uyu mwaka ajya muri Inter Miami yo muri Amerika
Mu ikipe y’igihugu y’u Bwongereza yayikiniye umukino umwe gusa.
4.Jorge Valdano (1955)
Yujuje imyaka 66,umunya-Argentina wahoze akina umupira w’amaguru nka Rutahizamu wa Real Madrid n’ikipe y’igihugu ya Argentina.
Jorge Alberto Francisco Valdano Castellanos yanyuze mu makipe nka Newell’s Old Boys, Alavés, Real Zaragoza, Real Madrid n’ikipe y’igihugu ya Argentina yahesheje igikombe cy’isi cy’1986 aho yatsinze ibitego 4 mu iri rushanwa harimo n’icyo yatsinze ku mikino wa nyuma.
Uyu mugabo yanabaye umuyobozi muri Real Madrid kuri ubu ni umunyamakuru kuri Bein Sports
5.Moussa Wagué (1998)
Yujuje imyaka 23, umunya Senegal ukina aca ku ruhande rw’iburyo yugarira muri FC Barcelona n’ikipe y’igihugu ya Sénégal.
Ibihe by’ingenzi byaranze itariki nk’iyi mu mateka y’imikino itandukanye ku isi.
1958: Imbere y’abafana ibihumbi 40,bari kuri Mollinex stadium Wolverhampton Wanders yanyagiye Manchester United ibitego 4-0, akaba ari wo mikino wa mbere wa shampiyona y’u Bwongereza wari ubaye mu ijoro hacanwe amatara.
1959: Bakina bya gicuti ikipe y’igihugu y’u Buholandi yatsinze u Bubiligi ibitego 9-1 mu mupira w’amaguru.
2012 – Michael Schumacher, Umudage wari umaze kuba nimero ya mbere ku isi muri fórmula one inshuro zirindwi yatangaje ko azahagarika gukina umwaka w’imikino urangiye.
Byateguwe na Esther Fifi Uwizera/RadioTV10 ku bufatanya na DSTV
