Hafidh Ameir Hassan, umugabo wa Perezida wa Tanzania, Masamu Samia Suluhu Hassan, yitabye Imana azize uburwayi bw’umutima.
Amakuru y’urupfu rwe yatangajwe kuri uyu wa Mbere, tariki 07 Nzeri 2026, na Visi Perezida wa Tanzania, Deogratius Ndejembi, mu itangazo yatangaje.
Visi Perezida Ndejembi yavuze ko Hafidh Ameir yitabye Imana ahagana saa mbiri za mu gitondo (8:00) ku bitaro bya Emilio Mzena Memorial Hospital biherereye muri Zanzibar, aho yari arimo kuvurirwa indwara y’umutima.
Ati “Mbabajwe cyane no kubamenyesha urupfu rwa Bwana Hafidh Ameir Hassan, umugabo wa Perezida wa Repubulika Yunze Ubumwe ya Tanzania, Samia Suluhu Hassan.”
Ndejembi yihanganishije Perezida Samia Suluhu Hassan, umuryango we, abavandimwe n’inshuti za nyakwigendera, ndetse n’Abanya-Tanzania bose muri rusange.
Yatangaje kandi ko imyiteguro yo gusezera bwa nyuma kuri Hafidh Ameir Hassan, yatangiye gukorwa, aho umuhango wo kumushyingura uteganyijwe kubera i Kizimkazi, muri Zanzibar.
RADIOTV10