Ikipe ya APR WBBC na REG WBBC ahagarariye u Rwanda mu irushanwa Nyafurika mu mukino wa Basketball mu cyiciro cy’abagore ‘Women Basketball League Africa’, akomeje kwitwara neza, aho nk’ikipe ya APR imaze gutsinda imikino irimo uwo yatsinze ikipe yo muri DRC.
Iri rushanwa rigeze ku munsi wa kane, aho aya makipe yakinnye mu mpera z’icyumweru gishize, tariki 07 Ukuboza 2024.
Ikipe ya APR W BBC yitwaye neza itsinda C.N.S.S yo muri Congo Kinshasa, amanota 73 kuri 68 (15-9, 13-21, 26-15 na 26-23).
REG W BBC, yo ntiyatangiye neza iri rushanwa kuko yatsinzwe umukino wayo wa mbere na Ferroviario Maputo (Mozambique), ku manota 78 kuri 74 (18-13, 20-18, 16-17 na 24-26).
Ku munsi wa Gatatu w’iri rushanwa, tariki 8 Ukuboza 2024, ikipe ya APR W BBC yatsinzwe na Friend’s Basketball Association yo muri Cote d’Ivoire ku manota 63-55 (18-13, 04-18, 13-20 na 20-12).
Ikipe ya REG W BBC ikaba igaruka mu kibuga kuri uyu wa Mbere, tariki 9 Ukuboza 2024, ikina umukino wayo wa kabiri, aho ihura na AS MAKOMENU, yo muri Congo Kinshasa (15h00).
APR W BBC yo ikaba izagaruka mu kibuga ikina umukino wa nyuma mu matsinda, ku munsi w’ejo, tariki 10.12.2024, ihura na SC. Alexandria yo mu Misiri (21h00).
Uko amakipe ahagaza mu matsinda:
Itsinda B (Buri kipe imaze gukina imikino 2)
- Sporting 3 PTS
- APR W BBC 3 PTS3. C.N.S.S 3PTS
- Friend’s Basketball Association 3 PTS
Itsinda C (Amakipe amaze gukina umukino umwe)
- JEANNE D’ARC 2 pts
- FERROVIARIO MAPUTO 2pts
- R.E.G W BBC 1 pt
- ASB MAKOMENO 1 pts
Jean Claude KANYIZO
RADIOTV10
