Nyuma yo gutangaza abahanzi bagera kuri 60 bazahatana mu bihembo bya Trace Awards, ubu hongewemo n’abazayobora ibi bihembo bazwi nk’aba-MCs barimo Umuhanzi D Banj n’umunyamideri ukomoka muri Angola witwa Maria Borges.
Ibihembo bya Trace Awards biteganyijwe tariki 21 Ukwakira bikazabera i Kigali. Uko iminsi igenda ishira ni ko amakuru ajyanye na byo agenda amenyekana.
Maria Borges uzafatanya na D Banj, ni umunyamideri ukomoka muri Angola afite imyaka 30, akaba yaremejwe n’ikinyamakuru Forbs Magazine nk’umunyamideri ukomeye mu mwaka wa 2013 muri Afurika.
D Banj ukomoka muri Nigeria, afatwa nk’umuhanzi ukomeye muri Afurika akaba kandi anayobora ibitaramo ndetse n’imihango ikomeye mu myidagaduro ku Isi.
D Banj aheruka mu Rwanda mu mwaka wa 2020 ubwo hasozwaga inama ya Creative Africa Exchange.
Kate Gustave NKURUNZIZA
RADIOTV10
