Igitego cya Ishimwe Anicet cyafashije APR FC gusubira Rayon Sports

Igitego cya Ishimwe Anicet cyo ku munota wa 88’ w’umukino cyafashije ikipe yab APR FC gutsinda Rayon Sports igitego 1-0 mu mukino wa w’umunsi wa gatanu wa kamarampaka wakinirwaga ku kibuga cy’Akarere ka Bugesera .

Ishimwe Anicet yatsinze igitego amaze umunota umwe mu kibuga kuko yinjiye mu kibuga ku munota wa 87’ asimbuye Jean Bosco Ruboneka ukina hagati mu kibuga. APR FC yahise yuzuza amanota 13.

Wari umukino amakipe yombi yari yakaniye nk’ibisanzwe kuko ikipe ya Rayon Sports yari isanzwe ibizi ko iheruka gutsindwa na APR FC ibitego 2-0.

APR FC bishimira igitego cyabonetse byagoranye

Kuri Rayon Sports imaze iminsi idahagaze neza yaba mu kibuga no hanze yacyo yari yazanye abakinnyi bagizwe na; Hakizimana Adolphe (22,GK),Rugwiro Herve (C,4), Ndizeye Samuel 25,Niyigena Clement 17, Mujyanama Fidel 3,Habimana Hussein 20, Jean Vital Ourega 14, Luvumbu Heritier 29,Rudasingwa Prince  27,Manace Mutatu 7.

Ku ruhande rwa APR F, Adil Mohammed Erradi yari yabanjemo; Ishimwe Jean Pierre (GK,30), Omborenga Fitina 25,Imanishimwe Emmanuel 24,Manzi Thierry (C,4), Mutsinzi Ange Jimmy 5,Ruboneka Jean Bosco 27,Rwabuhihi Placide 6,Nsanzimfura Keddy 22,Manishimwe Djabel 10,Bizimana Yannick 23, Tuyisenge Jacques 9.

Kuri Rayon Sports wabonaga ikina neza bitandukanye n’uko yari isanzwe ihagaze kuko akenshi usanga ihindura byinshi mu mukino. Kuri APR FC n’ubundi yari ifite morale yakuye mu kunyagira Police FC n’ubundi yungukiye mu gusimbuza kuko igitego batsinze cyavuye mu bufatanye bwa Mugunga Yves “Cavani”, Ishimwe Anicet na Lague Byiringiro.

Ishimwe Anicet (26) ashimirwa na Mugabo umutoza w’abanyezamu ba APR FC

Mu buryo bwo gusimbuza, ku ruhande rwa APR FC bakuyemo Niyonzima Olivier Sefu, Mugunga Yves na Byiringiro Lague binjiye mu kibuga batangirana igice cya kabiri basimbuye Yannick Bizimana, Rwabuhihi Placide na Nsanzimfura Keddy. Numa bigeze ku munota wa 87’ nibwo Ruboneka Jean Bosco yasimbuwe na Ishimwe Anicet watsinze igitego.

Ku ruhande rwa Rayon Sports, Sugira Ernest yasimbuye Nishimwe Blaise, Rudasingwa Prince asimburwa na Sekamana Maxime mu gihe Niyonkuru Sadjati yasimbuye Manasseh Mutatu Mbeddy ku munota wa 76’ w’umukino.

Nyuma yo gusarura aya manota, APR FC yahise igira amanota 13 inganya na AS Kigali nayo yagize 13 kuko yatsinze FC Marines igitego 1-0 cya Karera Hassan.

Indi mikino uko yagenze kuri uyu wa gatatu:

-Marines FC 0-1 AS Kigali (Stade Umuganda)

-Espoir FC 2-1 Bugesera FC (Stade de Rusizi)

-Police FC 1-1 Rutsiro FC (Stade de Bugesera)

SADAM MIHIGO

 

 

 

Leave a Reply

Your email address will not be published.

Related Posts