Impanuka ya Gari ya Moshi yabereye mu Majyepfo ya Leta ya Andhra mu karere ka Vizianagaram mu Buhindi, yahitanye abantu 13, ikomerekeramo abarenga 50. Hatangajwe icyateye iyi mpanuka.
Biswajit Sahu ushinzwe abakozi muri kampani itwara abagenzi muri Gari ya moshi izwi nka East Coast Railway, yabwiye BBC ko iyi mpanuka yabaye kuri iki Cyumweru, yaturutse ku makosa yakozwe n’abashinzwe kuyobora Gari ya moshi mu ngendo zazo.
Minisitiri w’intebe w’u Buhindi, Narendra Modi, yihanganishije imiryango y’ababuriye ababo muri iyi mpanuka.
Ni impanuka ibaye nyuma y’amezi macye habaye indi nkayo yahitanye ubuzima bw’abantu 292 ababarirwa, mu gihe abandi benshi bakomeretse, ubwo Gari ya moshi eshatu zasekuranaga mu burasirazuba bwa Leta ya Odisha, muri iki Gihugu cy’u Buhindi.
Assoumani TWAHIRWA
RADIOTV10
