Uyu munsi ni kuwa Kane w’itariki ya 09 Nzeli 2021, ni umunsi wa 252 mu minsi igize umwaka harabura iminsi 113 ngo umwaka urangire, Turi kuwa Kane wa 36 kuva 2021 yatangira Turi mu cyumweru cya 37 mu byumweru bigize umwaka wa 2021. Muri Costa Rica ni umunsi w’abana.
Ni bande bavutse ku munsi nk’uyu?
1.Luka Modrić (1985)
Yujuje imyaka 36, umukinnyi wo hagati usatira, ukinira, Real Madrid n’ikipe y’igihugu ya Croatie anabereye Kapiteni.
Modric’ yavukiye mu gace ka Zadar, agace bimukiyemo kubera intambara y’ubwigenge ya Croatia, nyuma yo kwitwara neza mu ikipe y’abato ya Nk Zadar, yasinyiye Dinamo Zagreb ku myaka 16 y’amavuko, imutiza muri Zrinjski Mostar na Inter Zaprešic.
Yatangiye gukinira Dinamo Zagreb muri 2005, atwarana nayo shampiyona eshatu zikurikiranye, anaba umukinnyi w’umwaka wa shampiyona ya 2007, muri 2008 yerekeje muri Tottenham Hotspur kuri miliyoni 16.5 z’amapawundi,ayifasha gukina Champions League nyuma y’imyaka 50 itayikina ndetse muri 2011 ayifasha kugera muri ¼.
Mu mpeshyi ya 2012 yerekeje muri Real Madrid kuri miliyoni 30 z’amapawundi, ayifasha kwegukana champions league ya 10, nizindi eshatu zikurikiranye.
Mu 2018, yabaye umunya-Croatia wa mbere utwaye igihembo cy’umukinnyi mwiza iburayi, umukinnyi mwiza wa FIFA na Ballon d’Or.
Mu ikipe y’igihugu ya Croatie anabereye Kapiteni amaze kuyikinira imikino 142 amaze kuyitsindira ibitego 18,yayifashije kugera ku mukino wa nyuma w’igikombe cy’isi cya 2018.
2.Oscar (1991)
Yujuje imyaka 30, Rutahizamu w’umunya-Brazil ukinira Shanghai Port yo mu cyiciro cya mbere mu Bushinwa n’ikipe y’igihugu ya Brazil.
Oscar dos Santos Emboaba Júnior Yavukiye Americanna mu mujyi wa São Paulo ari naho yatangiriye gukina umupira w’amaguru, ayivamo ajya muri internationale nayo imutanga muri Chelsea ari nayo yavuyemo ajya mu Bushinwa
Mu ikipe y’igihugu ya Brazil amaze kuyikinira imikino 47 yayitsindiye ibitego 12, yatwaranye nayo igikombe mpuzamigabane cya 2013.
2.Alex Song (1987)
Yujuje imyaka 34,umukinnyi wo hagati ukina yugarira watandukanye na FC Sion yo mu Busuwisi, ubu ari mu ikipe yiwabo muri Cameroon yitwa AS Arta/Solar7 yanakiniye ikipe y’igihugu ya Cameroon
Alexandre Dimitri Song Billong, yavukiye i Douala muri Cameroon, yanyuze mu makipe nka Bastia, Arsenal, Barcelona, West Ham United, Rubin Kazan na FC Sion
Mu ikipe y’igihugu yabanje gukinira ubufaransa bwabato ubwo yarafite imyaka 16 nyuma yahosemo gukinira Cameroon amaze gukinamo imikino 49 nta gitego yabatsindiye
3.Roberto Donadoni (1963)
Yujuje imyaka 58, umutoza w’umutaliyani utoza Shenzhen F.C..yo mu Bushinwa
Nk’umukinnyi yakiniye Atlanta Na Milan AC z’iwabo yewe n’ikipe y’igihugu y’u Butataliyani.
Nk’umutoza yatoje amakipe nka Napoli, Cagriali ,Bologna n’ikipe y’igihugu y’u Butataliyani.
5.Ahmed Elmohamady (1987)
Yujuje imyaka 33,umunyamisiri ukina yugarira ku ruhande rw’iburyo inyuma muri Aston Villa n’ikipe y’igihugu ya Misiri
Yanyuze mu makipe nka Ghazl El Mahalla, ENPPI, Sunderland na Hull City.
Mu ikipe y’igihugu ya Misiri amaze kubakinira imikino 92 abatsindira ibitego bitandatu, akaba yari umwe mu ikipe ya Misiri yatwaye igikombe cya Afrika cya 2008 & 2010
6.Danilo D’Ambrosio (1988)
Yujuje imyaka 33 Umutaliyani ukina ku ruhande rw’iburyo inyuma muri Inter Milan n’ikipe y’igihugu y’u Butataliyani.
Yanyuze mu makipe nka Potenza, Juve Stabia na Torino, mu ikipe y’igihugu y’u Butataliyani amaze kuyikinira imikino itandatu nta gitego arayitsindira.
7.Brad Guzan (1984)
Yujuje imyaka 37, umunyezamu w’umunyamerika ukinira Atlanta united n’ikipe y’igihugu ya Leta zunze ubumwe za Amerika
Bradley Edwin Guzan yanyuze mu makipe nka Chicago Fire Premier, Chivas USA, Aston Villa, Hull City na Middlesbrough.
Mu ikipe y’igihugu ya Leta zunze ubumwe za Amerika amaze kuyikinira imikino 64 nta gitego arayitsindira
Ibihe by’ingenzi byaranze itariki nk’iyi mu mateka y’imikino itandukanye ku isi
1970: Feynood yegukanye igikombe cy’isi cy’ama clubs itsinze Estudiantes yo muri Argentina 1-0.
1972 : Ikipe y’igihugu ya Leta zunze ubumwe z’abasoviyete y’umukino wa Basketball yatsinze iya Leta zunze ubumwe za Amerika amanota 51-50
Ni umukino utaravuzweho rumwe cyane ko ubwo habura ga amasegonda atatu USA yari iyoboye na 50-49, umusifuzi yanga gusifura paka Abasoviyete batsinze.
1979: Jody Scheckter yabaye umunyafrika y’epfo wa mbere utwaye isiganwa muri Formula one ubwo yegukanaga isiganwa ryo mu Butaliyani i Monza.
1987 : Larry Bird yatangiye urukurikirane rwa Rance 59 yamaze adahusha n’imwe.
1990 : Ku myaka 19, Peter Sampras yatwaye Grand Slam ye ya mbere, ubwo yegukanaga US open atsinze Andre Agassi amaseti 3-0 (6-4, 6-3, 6-2;) aba uwa mbere ukiri muto utwaye US open akiri muto mu bagabo.
1991 : Mike Tyson yashyizweho ikirego cyo gufata ku ngufu Desiree Washington.
Byateguwe na Esther Fifi Uwizera/RadioTV10 ku bufatanya na DSTV
