Ikipe ya Bugesera FC imaze kugura abakinnyi babiri bose bavuye muri Sunrise FC, ikipe yamaze kumanuka mu cyiciro cya kabiri nyuma yo kunanirwa kugwiza amanota mu mwaka w’imikino 2020-2021. Muhihda Bryan na Nsabimana Jean de Dieu buri umwe yasinye amasezerano y’imyaka ibiri.
Bugesera FC yatangiye isinyisha Muhinda Bryan wari umaze imyaka ibiri muri Sunrise FC, ikipe yagiyemo mu 2019 avuye muri Police FC nayo yari amazemo imyaka ibiri.
Muhinda Bryan:
Muhinda Bryan ni umukinnyi mu mutima w’ubwugarizi (Center Back) aaba yari amaze imyaka ibiri muri Sunrise FC kuri ubu akaba yageze muri Bugesera FC aho yasinye amasezerano y’imyaka ibiri (2021-2023).
Muhinda yakinnye muri Police FC (2017-2019), ikipe yagezemo avuye muri SEC Academy. Muhinda kandi ashobora no gukina hagati mu kibuga yugarira (Defensive Midfielder).
Nsabimana Jean de Dieu “Shaolin”:
Nsabimana Jean de Dieu “Shaolin” ni umunyezamu nawe wari umaze imyaka ibiri muri Sunrise FC , ikipe yagiyemo mu 2019 avuye n’ubundi muri Bugesera FC.
Nsabimana yakinnye muri Bugesera FC imyaka ibiri (2017-20219) ubwo yari avuye muri Pepinieres yo ku Ruyenzi.
