Bugesera FC ya 12 yasinyishije uwatoje Kiyovu ubu iyoboye urutonde

Ikipe ya Bugesera FC ibarizwa mu Ntara y’Iburasirazuba, yamaze gusinyisha umutoza Ndayiragije Étienne kugira ngo azayitoze mu mikino yo kwishyura ya shampiyona y’umupira w’amaguru, yasinye amezi atandatu.

Ni ibiganiro bimaze iminsi bikorerwa ku murongo wa telefone haba ku ruhande rwa Bugesera FC ndetse n’uyu mutoza ukomoka mu Burundi.

Umutoza ukomoka mu Burundi, Ndayiragije Étienne aje muri Bugesera aho ayisanze ku mwanya wa 12.

Ndayiragije Étienne ni umutoza ukomoka mu Burundi. Yanyuze mu makipe arimo AZAM FC, Ikipe y’Igihugu ya Tanzania n’andi menshi akomeye yo muri aka Karere.

Yaherukaga gutoza ikipe ya Kiyovu Sports mu mwaka w’imikino ushize, gusa nyuma ibiganiro bagiranye byarangiye atumvikanye na yo ku buryo akomeza kuyitoza.

RADIOTV10