Guhera kuri uyu wa mbere tariki 13-22 Nzeri 2021, abatoza barimo Seninga Innocent na Jimmy Mulisa bazaba bari mu mahugurwa akomeye yo kujya ku rwego rwo kuba bahugura abandi batoza (CAF Instructor’s Course).
Aya mahugurwa azajya abera kuri St Famille iri rwa gati mu mujyi wa Kigali.
Abatoza 12 bose b’abanyarwanda bagiye gukora amahugurwa akakaye yo kujya ku rwego rwo kuba bakoresha amahugurwa afasha abandi batoza bagutangira umwuga w’ubutoza.
Uretse aba bagabo babiri , Seninga Innocent na Jimmy Mulisa, abandi bazwi cyane bari muri aya mahugurwa ni Nyinawumuntu Grace na Habimana Sosthene.
Muri rusange abatoza bazakora aya mahugurwa ni:
Seraphine Uwineza, Nyinawumuntu Grace, Mukashema Console, Jimmy Mulisa, Bazirake Hamimu, Mbabazi Allan, Habimana Sosthene, Uwineza Pacifique, Ndateze Nelson, Kwizera Jean Pierre, Seninga Innocent.
