Ikipe ya FC Barcelona kuri ubu iri mu bibazo byo kubona umusaruro muri shampiyona ya Espagne na UEFA Champions League, kuri ubu iri mu bibazo by’amikoro binarimo amadeni ibereyemo amakipe yaguzemo abakinnyi kuva mu 2017. Iyi myenda iragenda ikagera muri miliyoni 98 z’amayero nk’uko Marca yabitangaje.
Mu makipe FC Barcelona ibereyemo amafaranga ayobowe na Ajax Amsterdam hakiyongeraho Juventus na Liverpool.
Ajax irishyuza Barcelona miliyoni 27.2 z’amayero yayisigayemo igura Frenkie De Jong ikanabishyuza miliyoni 13.6 z’amayero yayisigayemo iyiha Sergino Dest.
Muri macye Ajax irishyuza miliyoni 40.8 z’amayero iberewemo na FC Barcelona.
Ikipe ya Liverpool irishyuza Barcelona miliyoni 11 z’amayero yayisigayemo iyiha Phillipe Coutinho mu 2017.
FC Barcelona irabazwa miliyoni 33.2 z’amayero itishyuye Juventus ubwo yayihaga Miralem Pjanic kuri ubu watijwe muri Besiktas.
Kuri Wiralem Pjanic, ikipe ya FC Barcelona yamutije muri Besiktas iteganya ko izunguka akayabo kuko mu masezerano afitanye na FC Barcelona harimo ingingo ivuga ko ikipe izamushaka izabanza kwishyura miliyoni 340 z’amayero.
:no_upscale()/cdn.vox-cdn.com/uploads/chorus_image/image/69513652/1292128624.0.jpg?ssl=1)
FC Barcelona irabazwa amafaranga yasigaye igura Coutinho muri Liverpool
/cdn.vox-cdn.com/uploads/chorus_asset/file/22755597/1234370637.jpg?ssl=1)
Frenkie De Jong ni undi mukinnyi FC Barcelona itararangiza kwishyura amafaranga yari yumvikanye na Ajax
Ajax Amsterdam kandi iraba Barcelona amafaranga yasigaye bayiha Sergio Dest
FC Barcelona irabazwa amafaranga yasigayemo Juventus ubwo babahaga Wiralem Pjanic uvuka muri Bosnia Herzegovina
