Abakinnyi b’ikipe ya Manchester United bagaragaye bambaye barimbye mu myambaro inogeye ijisho, ubwo bari bitabiriye imyitozo bitegura umukino bafite muri iyi weekend.
Ikipe ya Manchester United iri mu bihe byayo byiza, imaze gutsinda imikino ibiri iheruka, irimo n’ukomeye yatsinzemo Liverpool ifite igikombe cya Shampiyona yo mu Bwongereza (EPL/English Premier League).
Uretse uyu mukino Manchester United yatsinzemo Liverpool ibitego 2-1, iyi kipe iri no mu zifite abakunzi benshi mu Rwanda inaherutse gutsinda Brighton ibitego 4-2, ikaba kandi yaranatsinze Sanderland ibitego 2-0.
Iyi kipe ubu iri ku mwanya wa gatandatu n’amanota 16 ku rutonde rw’agateganyo rwa EPL, iritegura guhura na Nottingham Forest, mu mukino uzaba kuri uyu wa Gatandatu tariki 01 Ugushyingo 2025.
Mu mafoto yashyizwe hanze n’iyi kipe kuri uyu wa Gatanu, agaragaza abakinnyi b’iyi kipe ubwo bitabiraga imyitozo yo kwitegura uyu mukino, aho baje bambaye mu buryo bunogeye ijisho.
RADIOTV10
