Umufaransa Karim Benzema uri mu bakinnyi b’inkingi za mwamba mu ikipe ya Real Madrid yo muri Espagne, ashobora kuyibwira ko atazakomezanya na yo, mu gihe bari baherutse kuganira akayemerera ko bazakomezanya.
Nk’uko ikinyamakuru cyitwa Marca kibitangaza, Karim Benzema ashobora kuba yava muri Real Madrid mu mpeshyi y’uyu mwaka.
Uyu kabuhariwe w’Umufaransa, byitezwe ko muri iki cyumweru, ari bwo azamenyesha ikipe ye ya Real Madrid niba azayigumamo cyangwa se niba azagenda.
Ikipe ya Real Madrid yari yizeye ko uyu Karim Benzema azayigumamo cyane ko hashize amezi macye bumvikanye mu buryo bw’ibiganiro (Verbal agreement), gusa iki cyizere cya Real Madrid gisa nk’igishobora kuraza amasinde.
Abakinnyi babiri bahanzwe amaso na Real Madrid ni Harry Kane, ukinira Tottenham, ndetse na Roberto Firmino, usoza amasezerano ye muri Liverpool.]
Gusa ariko kuri Rutahizamu Harry Kane bisa n’aho bigoye kuri ubu kubera igiciro cye n’ibyifuzo bya Daniel Levy, Umuyobozi wa Tottenham, bihanitse.
Cedrick KEZA
RADIOTV10
