Umuryango mpuzamahanga utabara imbabare Croix-Rouge muri Senegal, watangaje ko abantu 16 baguye mu myigaragambyo yabaye muri iki Gihugu y’abashyigikiye umuyobozi w’abatavuga rumwe n’ubutegetsi Ousmane Sonko uherutse gukatirwa igifungo cy’imyaka ibiri,
Iyi myigaragambyo yabaye ku wa Kane w’icyumweru gishize, yanakomerekeyemo abagera muri 360, nk’uko byatangajwe na Croix-Rouge.
Ababuriye ubuzima ndetse n’abakomerekeye muri iyi myigaragambyo, bazize gukozanyaho kwabayeho hagati y’abigaragambyaga n’inzego zishinzwe umutekano mu murwa mukuru, Dakar.
Abashyigikiye Sonko bavuga ko kuba yarahamijwe ibyaha bya ruswa bishingiye kuri politiki, ndetse bamagana icyo bise iterabwoba bari gushyirwaho n’inzego z’umutekano ko bashobora kwicwa.
Guverinoma ya Senegal yahagaritse interineti igendanwa, kugira ngo ihagarike icyo yise “ubutumwa bwo guhirika ubutegetsi” bukomeje gukwirakwizwa n’abigaragambya.
Shemsa UWIMANA
RADIOTV10
