Amakipe ya Gisagara Sitting Volleyball Club na Bugesera Sitting Volleyball Club yegukanye Igikombe cya shampiyona ya 2023-2024 muri uyu mukino wa Sitting Volleyball.
Mu Bagore, ikipe ya Bugesera yegukanye iki gikombe ku nshuro ya gatandatu yikurikiranya itsinze kumukino wa nyuma ikipe ya Gicumbi amaseti 3-2 (14-25, 23-25, 25-21, 25-16, 15-10).
Mu bagabo, ikipe ya Gisagara SVB yegukanye igikombe itsinze Gasabo amaseti 3-2 (25-17, 22-25, 14-25, 26-24, 15-12).
Mu guhatanira umwanya wa 3, mu bagore; Musanze yatsinze Nyarugenge amaseti 3-0 (25-20, 39-37, 25-21), mu gihe mu bagabo Musanze yatsinze Rusizi amaseti 3-0 (25-15, 25-21, 25-25).
Ni mu gihe mu mwaka ushize, Shampiyona y’uyu mukino wa Sitting Volleyball, Gasabo Club yari yegukanye igikombe mu bagabo, mu gihe mu bagore Bugesera Sitting Volleyball Club yari yacyegukanye ku nshuro ya gatanu ikaba yanongeye kugitwara muri uyu mwaka.
Jean Claude KANYIZO
RADIOTV10
