Myugariro Buregeya Prince, watandukanye n’ikipe ya APR FC yari amazemo imyaka irindwi yanabereye kapiteni, yabonye ikipe nshya muri Iraq ikina mu cyiciro cya kabiri muri iki Gihugu.
Uyu musore yazamukiye mu ikipe y’abato ya APR FC akaza kuzamurwa mu ikipe nkuru ari na yo yari amazemo igihe kitari gito ndetse akaba yaranayibereye kapiteni.
Buregeya Prince ari mu bakinnyi batandukanye na APR FC muri uyu, aho kugeza ubu yari atabona ikipe akinira mu gihe umwaka w’imikino ubura igihe gito ngo utangire.
Uyu myugariro unahamagarwa mu ikipe y’Igihugu Amavubi, yamaze kubona ikipe nshya yo muri Iraq yitwa Al -Nasiriya SC isanzwe ikina mu cyiciro cya mbere cya shampiyona yo muri iki Gihugu cyo ku Mugabane wa Asia.
Buregeya Prince abaye umwe mu bakinnyi bacye b’Abanyarwanda bagiye gukina muri Shampiyona ya Iraq, nyuma ya Usengimana Faustin wakinnyemo imyaka ibiri, ndetse na Manishimwe Djabel uri gukina muri iki Gihugu.
Jean Claude KANYIZO
RADIOTV10
