Ikipe ya Inter de Milan yo mu Butaliyani ndetse n’iya Chelsea FC yo mu Bwongereza, zamaze guhura kugira ngo ziganire ku bijyanye n’umunyezamu Andre Onana w’Umunya-Cameroun.
Amakuru avuga ko hari ibiganiro byamaze kuba, hagati ya Inter de Milan na Chelsea, bigendanye n’igura n’igurishwa rya Andre Onana.
Nk’uko La Gazzetta dello Sport ibivuga, abahagarariye Chelsea bari mu mujyi wa Milan kuri uyu wa Kane mu biganiro byo kuba bagura uyu munyezamu w’Umunya Cameroon Andre Onana.
Gusa ariko Inter de Milan yatangaje ku mugaragaro ko ikipe iyo ari yo yose yaba yifuza Onana, wavuye muri Ajax Amsterdam mu mpeshyi iheruka, yamutangaho akayabo ka miliyoni 40 z’ama Euros.
Ikipe ya Chelsea yari yabanje kwifuza ko habaho kugurana abanyezamu ariko ikongeraho amafaranga make, ku buryo Kepa Arrizabaraga yajya muri Inter de Milan bityo na yo igatwara Andre Onana ariko Inter de Milan yahise ibitera utwatsi.
Amakuru akomeza avuga ko iyi kipe ya Chelsea izasubirana i Milan ubundi buryo baguranamo abakinnyi ikaba yabaha abakinnyi barimo Trevoh Chalobah na Ruben Loftus-Cheek.
Cedrick KEZA
RADIOTV10
