Ngoma: Umunye-Congo wendaga guhabwa ububikira yatorotse asiga yanditse urwandiko rukomeye

Facebook
Twitter
LinkedIn
WhatsApp

Umukobwa w’imyaka 25 y’amavuko ukomoka muri Repubulika Iharanira Demokarasi ya Congo wendaga guhabwa ububikira mu kigo cy’ababikira giherereye mu Kagari ka Ruhembe mu Murenge wa Zaza mu Karere ka Ngoma, yabuze nyuma y’uko asize yanditse ibaruwa asezera bagenzi be.

Mu nyandiko yanditswe n’uyu mukobwa witwa Furaha Florence Drava tariki 08 Gicurasi 2022, yatangiye ashimira umuryango w’aba babikira witwa Religieuses de l’Instruction Chretienne, uburyo yabanye na bagenzi be muri iki kigo.

Izindi Nkuru

Ati Byumwihariko uburezi nahigiye ndetse nibindi byose nahungukiye, ndashimira buri wese bavandimwe banjye mpereye ku muyobozi mukuru wIntara ndetse nabandi babikira bose.

Yakomeje abiseguraho ko atabashije gukomezanya na bo urugendo rwo kwiha Imana akaba ahisemo kubatoroka ku bushake bwe.

Ati “Bavandimwe banjye mbasabye kutazirirwa munshikisha kuko ntatakaye ahubwo ngiye kubaho ubundi buzima nk’igitekerezo gishya cyanjemo cyatumye Imana itanyemerera gukomeza ahubwo ikanyereka ubundi buzima n’amateka.”

Mushimiyimana Beatha uyobora uyu muryango w’Ababikira, yitabaje Urwego rw’Igihugu rw’Ubugenzacyaha Station ya Zaza, amenyesha ibura ry’uyu mukobwa ukomoka muri DRC witeguraga kuba umubikira, wabuze mu gitondo cyo ku ya 08 Gicurasi ahagana saa mbiri (08:00’).

Uyu muyobozi w’aba babikira, yamenyesheje RIB ko bafite impungenge kuko uyu mukobwa Furaha Florence Drava bari bamwakiriye bamuhawe n’ababyeyi be ndetse ko nta telefone yagiraga.

Urwego rw’Igihugu rw’Ubugenzacyaha rukaba rwahise rutangira gushakisha uyu mukobwa no gukora iperereza ku cyaba cyatumye abura.

Umunyamabanga Nshingwabikorwa w’Umurenge wa Zaza, Mbarushimana Ildephonse, yabwiye RADIOTV10 ko amakuru y’ibura ry’uyu wendaga guhabwa Ububikira bayamenye ariko ko nta birambuye bayafiteho.

Yagize ati Amakuru twarayamenye ariko inzego zibishinzwe ziri kubikurikirana.

Uyu muyobozi yavuze ko inzego z’abihayimana zifite uburyo zikora bityo ko amakuru arambuye yatangwa n’ubuyobozi bw’iki kigo cy’abihayimana.

Furaha Florence Drava wabuze

RADIOTV10

Comments 13

  1. Rinda says:

    Ubwo yasezeye akabyandika, kandi agasaba ko batirirwa bamushakisha, birumvukana ko ni umukobwa ukuze wagize uburenganzira bwe bwo gufata icyemezo. Niba Diplome ye ayifite, agiye gukomeza amasomo, anashake, yubake abyare arere.
    Yahisemo neza. Imana imushyigikire nashaka azagire urugo n umuryango mwiza wubaha Imana.

    • Fanny says:

      Bashobora no kumushimuta bakayimwandikira bakayimwiyitirira da! Gusa kuba yanabishingukamo ni uburenganzira bwe kuko ni mukuru bihagije kugira ngo yifatire icyemezo. Ibyo kumuhabwa n’ababyeyi ni byiza ariko ntibimubuza kwifatira icyemezo.

  2. Jean Bosco Iraguha says:

    Njyewe ndunva ntampamvu yo kumukurikirana kd yasize abandikiye bihagije akanabasobanurira ko ntampamvu yo kumushakisha nkuwatakaye!! Bamwihorere yikomereze ubuzima bite bwiwe yahisemo!!!

  3. Alino says:

    Ibyo yanditse birahagije nta mpungenge zihari.

  4. Papias says:

    Ngewe ndumva mutakwirirwa mushakisha

  5. Hatungimana says:

    Rwose ni urucabana uwo yazutse

  6. ahaaa ubwonyine yanze kubeshy imana nabant hama afaticyemez

  7. Ntukabumwe j bosco says:

    Ubuse koko ntiwasanga yari intasi ya congo akaba amaze gufata amakuru agataha??

  8. Kozz says:

    Amenye ubwenge kare

  9. Gatarayiha Margueritte says:

    Ukuntu numva iyo barwa yanditse wagirango numuntu wayimwandikiye ahari simbizi nanjye tu

Leave a Reply

Your email address will not be published. Required fields are marked *

IzindiNkuru