Ikipe ya REG Volleyball Club yegukanye igikombe cya shampiyona ya Volleyball 2026 mu bagabo nyuma yo guturuka inyuma igatsinda Police VC imikino 3-2.
REG yatsinze Police umukino wa 3 nyuma y’aho mu mikino 4 aya makipe yabanje gukina yombi yanganyaga intsinzi 2 kuri 2.
Police Volleyball Club itaratwara igikombe na kimwe cya shampiyona, ni yo yabanje gutsinda imikino 2 , REG iza kuyishyura inayitsinda umukino wa 3.
Nubwo REG itatangiye neza Shampiyona, ariko mu gice cyo kwishyura, yabonye amanota meza ayihesha itike yo kuza mu makipe 4 yo gukina Playoffs, aho yari kumwe na Kepler, Police na Gisagara.
Benon Mugisha, Umutoza wa REG atwaye iki gikombe nyuma yo kugaruka muri iyi kipe yaherukagamo muri 2022, aho yayimazemo imyaka 4 kuva 2018 agatwarana na yo igikombe kimwe.
Urutonde rusange mu bagabo
1.REG
2.POLICE
3.KEPLER
4.GISAGARA
5.APR
6.EAST AFRICAN UNIVERSITY
7.KVC
8.RP Ngoma
9.Kirehe
Urutonde rwo mu Bagore
1.APR
2.KEPLER
3.POLICE
4.RRA
5.EAST AFRICAN UNIVERSITY
6.RP HUYE
7.RUHANGO
Mu bihembo by’abakinnyi ku giti cyabo bahize abandi mu bagabo mu mwaka w’imikino wa 2026, umukinnyi w’umwaka yabaye Nicholas Matui wa REG anaba Best Attacker, Best Libero yabaye Jules Niyigena wa Kepler, Best Blocker ni Emmy Twagirayezu wa REG, Best Server aba Sibomana Placide Madison wa Police, Best Receiver ni Gisubizo Merci mu gihe Best Setter yabaye Ntanteteri Crispin wa REG.
Mu cyiciro cy’abagore aho APR yatwaye igikombe, umukinnyi w’umwaka(MVP) yabaye Mukandayisenga Benitha anaba Best Receiver, Best attacker ni Binta Bah Fatoumata wa Kepler, Best Blocker ni Uwiringiyimana Albertine wa APR, Best server Musaniwabo Hope wa Kepler, Best Libero ni Umugwaneza Yvonne wa APR, Best Setter aba Achieng Ogweno wa APR.
Jean Claude HITIMANA
RADIOTV10
