Amakipe abiri mu mukino wa Volleyball yari ahagarariye u Rwanda, yegukanye ibikombe mu irushanwa ryitiriwe Mwalimu Julius Kambarage Nyerere (Nyerere Cup) wayoboye Igihugu cya Tanzania ari na ho iri rushanwa ryabereye.
Aya makipe, ni APR Volleyball Club n’iy’abari ya Rwanda Revenue Authority Volleyball Club, akaba yari amwe muri ane yaturutse mu Rwanda yitabiriye iri rushanwa, aho yari yajyanye na APR WVC na Police VC.
Ku mukino wa nyuma, ikipe ya APR VC yacakiranye n’ikipe ya Rukinzo VC yo mu Burundi, iyi yo mu Rwanda itsinda iyo mu baturanyi amaseti atatu kuri imwe.
Naho RRA WVC na yo yo mu Rwanda, yo yegukanye igikompe nyuma yo gutsinda mugenzi wayo APR WVC amaseti atatu ku busa.
Nyuma yo kwegukana ibi bikombe, aya makipe yari ahagarariye u Rwanda, kuri iki Cyumweru yanagarutse i Kigali, atahana ibyishimo nyuma yo kwitwara neza muri iri rushanwa yari yitabiriye.
Jean Claude KANYIZO
RADIOTV10
