Bruce Melodie agiye gutaramira i Burundi, Canada na Dubai

Nyuma y’uko umuhanzi Bruce Melodie atangaje ibitaramo bibiri azakorera mu Burundi, kuri ubu yongeyeho ibindi azakorera muri Canada na Dubai.

Kuri gahunda yari isanzwe, Bruce Melodie mu mpera z’ukwezi gutaha kwa Kanama 2021 tariki ya 28 na 29 nibwo azakorera ibitaramo i Burundi mu mujyi wa Bujumbura.

Uretse ibi bitaramo, uyu muhanzi yamaze kongeraho ibindi bibiri kimwe azakorera mu mujyi wa Edmonton muri Canada tariki ya 28 Nzeri 2021 n’icyo azakorera Dubai muri Leta Zunze Ubumwe z’Abarabu tariki ya 30 Ukuboza 2021, bikaba biri muri gahunda yise ’Kigali World Tour’ mu rwego rwo kumenyekanisha Kigali.

Uretse ibi bitaramo kandi uyu muhanzi bivugwa ko hari n’ibindi bishobora kwiyongeraho.

Bruce Melodie agiye gutaramira i mahanga hari mu Burundi nyuma y’uko na mugenzi we uririmba indirimbo zo kuramya no guhimbaza Imana Isirael Mbonyicyambu nawe uzaririmba i Burundi.

 

Inkuru ya: Jean Paul MUGABE/RadioTV10Rwanda

Leave a Reply

Your email address will not be published. Required fields are marked *

Related Posts